SEPTEMBER, 2014
Skafu ni urembo unaoweza kuvaliwa na aina yoyote ya nguo
iwe ni vazi la kawaida au suti ya aina yoyote. Skafu inawezesha nguo kuonekana
ya kuvutia hata kama nguo ni ya kawaida kabisa. Skafu zipo za aina nyingi kama
pashmina(mitandio), ndefu nyembamba, za mraba n.k.
Uvaaji wa Skafu
Skafu inaweza kuvaliwa katika mitindo mbalimbali kutokana
na umbo lake na mvaaji anataka kuivaa vipi. Skafu inaweza kuvaliwa shingoni,
kiunoni kama mkanda au kichwani kama kibanio au kufunika nywele. Skafu kubwa
kama pashmina unaweza uitumia kujifunika hasa wakati wa baridi.
Ufungaji wa skafu shingoni
Skafu yenye umbo la mraba unaweza kuikunja kupata
pembetatu kisha ukafunga pembe mbili nyuma ya shingo ili ule upande mpana uwe
umelala kifuani chini ya shingo.
2.Skafu ndefu nyembamba inavaliwa kwa kuining’iniza shingoni na kuifunga na
pini kwa mbele.Unaweza tumia ‘brooch’ au pete maalumu.
3.Skafu ndefu pia unaweza kuivaa shingoni upande mmoja ukining’inia kwa mbele
na mwingine ukining’inia kwa nyuma.
4.Pashmina skafu unaweza kuivaa kwa kuikunja nusu na kuiweka shingoni kisha kuchukua
upande mmoja na kuuweka ndani ya upande mwingine kama unafunga kamba.